《侵侵曬冷》
簡單同大家講下，阿侵响twitter同大家講「I’m ready to go to 500」（即係將對中國出口產品徵稅的範圍擴大到5000億美元）應該點解讀。
首先，有好多人响上星期五一聽到，就即刻驚到瀨屎，又話「個市星期五升既會响星期一跌晒」之類，而其實係唔會。點解呢？因為中國响去年出口到美國既貨品總額先係5055億美元，依家所謂既第三炮雖然金額大，但肯肯定定係最後一砲（因為咁已經等同阿侵對所有野徵稅喇）所以，我反為係博壞消息出盡就真。
不如我地又大膽唸下：我曾經話過28000點沽壓已經收到好細。如今如果恆指經歷完一砲、兩砲、三砲，都企穩响28000點唔穿，所謂狗公不破，咁係咪就應該倒轉頭做上去好過？再者渦，之前就話人仔日跌夜跌個市好難好啫，你睇下依家阿侵日日都出tweet話美元高，其實係間接托人仔個渦。係咁，係咪真係值得我地唸多d野丫嗱？
Search